درس خصوصى
عزيزى الزائر الكريم
درس خصوصى انشىء من اجلك انت فيرجى التفاعل معنا لرفعة العملية التعليمية فى مصر

ادارة المنتدى

درس خصوصى



 
الرئيسيةالرئيسية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  
");
درس خصوصى
    اسم الموضوع: وزير التعليم العالى يعلن شروط القبول فى الجامعة اليابانية لطلاب الثانوية العامة 2018الأربعاء 2 أغسطس 2017 - 19:51 من طرفحنان المصرى    اسم الموضوع: فتح باب القبول بالتعليم المفتوح لكليتى التجارة والزراعة بجامعة عين شمسالأربعاء 2 أغسطس 2017 - 19:46 من طرفحنان المصرى    اسم الموضوع: درس خصوصى ينشر شروط والاوراق المطلوبة ومصاريف اشهر 10 جامعات خاصة فى مصرالسبت 15 يوليو 2017 - 23:39 من طرفحنان المصرى    اسم الموضوع: قائمة كليات ومعاهد الجامعات المتاحة لطلاب "علمى" بمرحلة التنسيق الأولى فى جميع الجامعات المصريةالسبت 15 يوليو 2017 - 1:18 من طرفحنان المصرى    اسم الموضوع: بمناسبة الاعياد طريقة عمل الكحك والغريبة والبتى فور والبسكويت والشكلمة فى المنزل باقل الاسعارالخميس 22 يونيو 2017 - 23:40 من طرفAdmin    اسم الموضوع: قرار رئيس الجمهورية رقم 77 لعام 2017 بخصوص علاوة خاصة لغير المخاطبين من الجريدة الرسميةالخميس 22 يونيو 2017 - 23:29 من طرفAdmin    اسم الموضوع: مراجعة اليوم السابع الاخيرة فى الجيولوجيا للثانوية العامة 2017 فى 8 ورقاتالأربعاء 21 يونيو 2017 - 13:52 من طرفAdmin    اسم الموضوع: مراجعة اليوم السابع الاخيرة فى الاستاتيكا لغات للثانوية العامة 2017 فى 9 ورقات الأربعاء 21 يونيو 2017 - 13:46 من طرفAdmin    اسم الموضوع: مراجعة اليوم السابع الاخيرة فى الاستاتيكا للثانوية العامة 2017 فى 11 ورقاتالأربعاء 21 يونيو 2017 - 13:42 من طرفAdmin    اسم الموضوع: مراجعة اليوم السابع الاخيرة فى المنطق للثانوية العامة 2017 فى 9 ورقاتالأربعاء 21 يونيو 2017 - 13:37 من طرفAdmin    اسم الموضوع: فتح باب التقديم للمدارس اليابانية 2018 التفاصيل الكاملة والمصروفاتالسبت 17 يونيو 2017 - 15:13 من طرفAdmin    اسم الموضوع: اكاديمية المعلمين تعلن مواعيد تدريب وترقية 500 الف معلم الإثنين 12 يونيو 2017 - 22:48 من طرفحنان المصرى    اسم الموضوع: درس خصوصى يقدم اخطر مراجعة للساعات الاخيرة فى الجبر والهندسة للثانوية العامة 2017الإثنين 12 يونيو 2017 - 22:40 من طرفحنان المصرى    اسم الموضوع: الاجابة النموذجية لامتحان اللغة الانجليزية الثانوية العامة 2017الخميس 8 يونيو 2017 - 13:31 من طرفحنان المصرى    اسم الموضوع: اجابة اسئلة كتاب الفيزياء كاملة لن يخرج عنها الامتحان من درس خصوصىالخميس 8 يونيو 2017 - 11:18 من طرفmedo1964    اسم الموضوع: الان نتيجة الشهادة الاعدادية الازهرية اخر العام 2017 الأحد 4 يونيو 2017 - 1:49 من طرفحنان المصرى    اسم الموضوع: الان نتيجة الشهادة الابتدائية الازهرية اخر العام 2017الأحد 4 يونيو 2017 - 1:39 من طرفحنان المصرى    اسم الموضوع: مراجعة الساعات الاخيرة والاسئلة المتوقعة فى اللغة العربية الثانوية العامة 2017الأحد 4 يونيو 2017 - 1:32 من طرفحنان المصرى    اسم الموضوع: امتحان الجمهورية التجريبى فى اللغة العربية لن يخرج عنها الامتحان الثانوية العامة 2017الأحد 4 يونيو 2017 - 1:15 من طرفحنان المصرى    اسم الموضوع: توزيع درجات امتحان بوكليت اللغة العربية للثانوية العامة 2017 الأحد 4 يونيو 2017 - 1:10 من طرفحنان المصرى

شاطر|

شرح كامل : مـنـحـة الـ iTi - برنامج تطوير مهارات خريجى الجامعات + كورس معهد بيرلتز للغات كامل

استعرض الموضوع السابق استعرض الموضوع التالي اذهب الى الأسفل
كاتب الموضوعرسالة
avatar
{..Admin..}
ادارة المنتدى
ادارة المنتدى

البلد : مصر
عدد المساهمات : 6613
النقاط : 21616
تاريخ التسجيل : 30/03/2010

معاينة صفحة البيانات الشخصي للعضو


مُساهمةموضوع: شرح كامل : مـنـحـة الـ iTi - برنامج تطوير مهارات خريجى الجامعات + كورس معهد بيرلتز للغات كامل الإثنين 30 أغسطس 2010 - 22:11





القسم الاول



المنحة دي اسمها EDUEgypt


EDU دي اختصار لكلمة


Education Development for Universities in Egypt


" برنامج تطوير مهارات خريجى الجامعات"



البرنامج دا هو واحد من أحد البرامج اللي بيقدمها معهد النظم والمعلومات iTi


بس اللي بيميزه عن غيره انه بالتعاون مع


- وزارة التعليم العالى


- وزارة الاتصالات


- معهد النظم والمعلومات


- معهد بيرلتز للغات


- شركات عالمية (IBM - Vodafone .. الخ الخ)



كل اللي حصل ان وزارة التعليم العالى شافت ان فيه فجوة كبيرة اوي بين مستوى خريج الجامعة وسوق العمل



وبينقص الخريج دا مهارات كتيرة زي الكمبيوتر واللغة وطريقة الكلام والتعامل مع الغير .. الخ



عشان كدا وزارة التعليم العالى قررت انها تتعاون مع وزارة الاتصالات عشان تقدم منحة وبرنامج كامل متكامل بحيث ان الطالب اللي يخضع للبرنامج دا يبقى مؤهل على طول انه يخش سوق العمل ويعرف يشتغل على طول



وزارة الاتصالات وافقت على الموضوع دا .. وطبعا عشان معهد النظم والمعلومات هو أحد الهيئات التابعة لوزارة الاتصالات فعشان كدا تم إسناد الموضوع دا ليه باعتبار انهم ليهم باع كبير في الموضوع دا



معهد النظم حط العناوين الرئيسية للمنحة وكانت بتتلخص في انهم بيدرِّسوا الكمبيوتر ومهارات الاتصال ولكن بالانجليش



وفعلا الموضوع دا بدأ تنفيذه على ما أعتقد في سنة 2007 تقريباً بعدد قليل جدا لا يزيد عن 300 طالب من جامعة القاهرة "ككل" والطلبة دول كانوا من الفرقة الرابعة



بعد كدا الموضوع لاقى نجاح كبير جدا لانهم لاقوا ان مستوى الطلاب اتحسن فعلا ووفروا على الشركات مجهود كبير .. عشان كدا فيه شركات تانية دخلت في الموضوع وبقت داعمة للمنحة وبتصرف عليها هيا كمان



و دا كان نبذه عامة عن المنحة



القسم الثانى


لغاية الترم الاولانى السنة دي (2009/2010)


كان شرط الالتحاق بالامتحان المؤهل للمنحة حاجتين :


1- انك تكون جايب جيد "على الاقل في سنة تانية"




2- انك تنجح في امتحان القبول بتاع المنحة



الترم التاني بقى في السنة دي برده


(2009 / 2010)


الوضع اتغير .. وأصبح القبول من سنة تانية


وبالتالى أصبح شروط الالتحاق كالآتى :

1- انك تكون "انتظام" من الفرقة التانية




2- انك تنجح في امتحان القبول بتاع المنحة


والدراسة هاتبدأ مع بداية السنة الجايه مباشرة



هنا بقى فيه حد هايسألنى سؤال مهم


اعرف منين اصلا اني هاخش الامتحان ؟؟



لو انتا كنت في سنة تانية السنة دي وانتظام يبقى اسمك موجود في الكشوفات


والكشوفات دي موجودة في الدور الرابع في مبنى الامتحانات


كل اسم هاتتلاقوا جنبيه سيريال نمبر طويل كدا


السيريال دا هاتاخده وتكتبه


وتشوف مواعيد الامتحان بتاعتك امتى وظبط نفسك على الحال دا وبكدا انتا اتأكدت ان اسمك موجود وانك داخل الامتحان ان شاء الله



مكان الامتحان في حتة اسمها معهد النظم والمعلومات القوات المسلحة


المعهد دا موجود في مدينة نصر قدام طيبة مول


واللي مش عارف الطريق انا ممكن ابقى اوصفهوله



المهم



يوم الامتحان لازم تبقى متواجد في المعهد دا ميعاد الامتحان بتاعك بوقت كافى


وبالتالى هايبقى قدامك اختيارين عشان تروح المعهد


1- انك تركب الاتوبيسات اللي الكلية بتوفرها للطلبة ودي مجانية واتوبيسات مكيفة وفايف ستار


هاتاخدك من قدام باب الجامعة لغاية باب المعهد وهاترجعك تاني بعد ماتخلص امتحانك


2- انك تروحها مواصلات على رجليك



بعد مابتوصل للمعهد بتقعد في الاستراحة هناك


استراحة لذيذة جدا وفيها دي جي ومشروبات وحاجة كوول خالص يعني


هاتفضل مستنى لغاية ماتتلاقى المشرف ييجى ويجمعكوا في جروب وتمشوا وراه لغاية ماتطلعوا للقاعة اللى هاتمتحنوا فيها



- كل 20 طالب هايتجمعوا في جروب ويخشوا القاعة (مكيفة ورخام وحاجة نضيفة جداً)


- كل طالب هايقعد على جهاز خاص بيه


- كل طالب ماينساش ياخد معاه قلم وورقة


- كل طالب ماينساش ياخد السيريال نمبر اللي كتبه قبل كدا عشان دا اللي انتا هاتمتحن بيه



ملحوظة مهمة جدا جدا


المعهد هناك بيتعامل معاك على انك كود


يعني مش بيتعامل بأسماء نهائى


وبالتالى لو نسيت السيريال بتاعك يبقى احسنلك تروح


يا أما بقى هاتدوخ عشان تجيبه من هناك وهاتتذل



بعد مابتطلع هاتتلاقى المشرف بيرحب بيك ويطلب من كل طالب انه يفتح الجهاز اللي قدامه



اثناء مانتا بتفتح الجهاز المشرف هايديك ورقة مكتوب فيها عنوان


العنوان دا هاتكتب عنه برجراف


نصيحة : ركز اوى في اللي مكتوب وماتتحولش


واعرف هوا عايز ايه كويس


عشان فيه واحد من صحابي كانوا كاتبينله


talk about your home


واتكلم عن بيتهم حتة حتة واوضة اوضة


وبعد ماخرج من الامتحان فوجئ انهم يقصدوا بكلمة home دي يعني الوطن !!!!



مدة الكتابة في البراجراف دا حوالى 10 دقايق


ماتنساش طبعا تكتب اسمك والسيريال نمبر بتاعك


وبعد كدا بتقوم مسلم الورقة للمشرف



في اللحظة دي خط نفس عمييييق جدا


عشان اللي جاي ادهى وأمر !!



المشرف هايطلب من كل واحد انه يفتح ابلكيشن معين على الديسك توب


الابليكيشن دا فيه الامتحان بتاعك


طبعا اول ماهاتفتح هايظهرلك


username و password


المشرف هايمليك البيانات وكل حاجة تمام


بعد مابتدوس انتر .. في اللحظة دي انتا بينك وبين بداية الامتحان تكة زرار


دوس start ويبقى انتا كدا بدأت



الامتحان اللي هايبقى قدامك في اللحظة دي عبارة عن40 سؤال في الاوفيس عموما والانترنت والويندوز وطبعاً الاسئلة بالانجليش



بعد مابتخلص الـ 40 سؤال بتخش على 20 سؤال تانيين ودول مختصين بالـ IQ (اختبارات الذكاء)


مع ملاحظة ان اسئلة الذكاء برده بالانجليش


يعني عشان تحل السؤال لازم تترجمه الاول


(دا ان عرفت تترجمه اصلا)


وبعد كدا تفكر في الترجمة عشان تحل !!



وبعد ما بتخلص الـ 60 سؤال اللي فاتوا دول بتدوس finish



نسيت اقول ان الـ 60 سؤال دول بيتحلوا فى 20 دقيقة



خد نفس عمييييييييق عشان اللي جاي أدهى وأمر


!!!!



في نفس الابليكيشن هاتخش على امتحان جديد مدته 5 دقايق


الامتحان دا بيقيس حاجتين :


- دقة كتابتك على الكيبورد


- سرعة كتابتك على الكيبورد



فى الامتحان دا الشاشة هاتبقى متقسمة جزئين


الجزء الفوقانى قطعة طويلة عريضة كلها بالانجليش وبتتكلم عن موضوع معين وفيه كلمات معقدة ماتتفهمش !!


والجزء التحتانى دا اللي انتا هاتنقل فيه الكلام اللي في الجزء الفوقانى في مدة اقصاها 300 ثانية


نصيحة : ركز في الحروف الكابيتال وعلامات الترقيم


يعين مثلا مش يبقى في القطعة مكتوب


Egyptismy country,and ilove it


وسيادتك تكتب


egypt'smy country.and i love it



بعد مابتخلص القطعة خد نفس عمييييييييق


عشان اللي جاي طحن



هاتقفل الابليكيشن وتفتح الانترنت اكسبلورر اللي ع الجهاز بتاعك


هايطلب منك يوزر نيم وباسوورد برده كالعادة


اطلب من المشرف البيانات دي وهايديهالك


في اللحظة اللي هاتدوس فيها انتر هاتكون بدأت الامتحان فعلا



الامتحان دا هوا المرحلة قبل الاخيرة


وهوا عبارة عن 80 سؤال انجليش متنوعين بين grammer و vocabulary و expressions


ومدة الامتحان 40 دقيقة

ملحوظة
الـ 80 سؤال بيكونوا جايين من
- منهج التويفل
- جامعة كامبريدج




اثناء مانتا بتحل هاتتلاقى واحد ظريف داخل عليك في القاعة وبيقولك ان ميعاد انترفيو الانجليش بتاعك كذا كذا ولازم تحضره والا امتحانك اللي انتا امتحنته دا مالوش لازمة وهايتلغى وهاتسقط



طبعا انتا اصلا هاتنفضله لانك مشغول بالـ 80 سؤال اللي قدامك اللي مش هايخلصوا اساساً !!



بعد مابتخلص الـ 80 سؤال ان شاء الله بتقفل الجهاز وتنزل تتأكد من ميعاد الانترفيو الانجليش بتاعك امتى وفين وبعد كدا روًّح بيتكوا ونام



هاتيجي بقى للمرحلة الأخيرة اللي الكل بيترعب منها


انترفيو الانجليش



هاتروح لليوم اللي انتا هاتعمل فيه الانترفيو وفي الميعاد بتاعك (والتزم بالمواعيد وماتتأخرش)


ومكان الامتحان غالباً هايبقى في الدور الرابع في قاعات الامتحانات



هاتطلع فوق هاتتلاقي واحد من مديرين المنحة بيستقبلك وبيدخلك قاعة فيها ناس هاتمتحن معاك برده


شوية وهاتتلاقى واحد داخل ومعاه ورق بيوزعه عليكوا




الورق دا عبارة عن انك انتا بتقيم نفسك


يعني انتا شايف مستواك ايه في الانجليش


هاتتلاقى مثلا في اول صفحة يقولك


you can make a flexible conversation


ويديك مستويات بقى 1 - 2 - 3 - 4


وانتا تختار وهكذا ...



ولاحظ في الصورة ان فيه بيانات بتتكتب


البيانات دي مهمة جدا خاصة الايميل ورقم الموبايل والاسم


لانك لو ربنا أكرمك ونجحت هايتصلوا بيك ع الموبايل ويقولولك انك نجحت



هاتستنى شوية لغاية ما يندهوا عليك وهاتقوم داخل



الانترفيو عبارة عن مقابلة بتتعمل بينك وبين مدرِّب من المدربين اللي بيدرِّسوا في معهد بيرلتز للغات


والمقابلة بتبقى عبارة عن دردشة بينك وبين المدرب وكله بالانجليش طبعا


مدة المقابلة حوالى ربع ساعة وممكن تمتد لتلت ساعة على حسب ظروفك



هاتتلاقى الـ instructor قاعد مستنيك


(وغالبا 90% هاتكون بنت)


في لحظة دخولك للانترفيو اقلب انجليش


يعني مافيش حاجة اسمها عربى


هاتقول سلامو عليكو هاتتلاقى المدرب بيقولك hi


هاتيجي تتكلم عربى هايقولك


sorry i don't understand



المهم



هاتتلاقى المدرب بيطلب منك انه لما يسألك السؤال تقول الاجابة كاملة


يعني مثلا


what's your name


ماتقولش Ahmed


لا تقول my name isAhmed


هايسألك يقولك


Have you been to Alex


ماتقولش yes أو no


لا تقول yes, i have been to Alex


وهكذا ....


هيا اي نعم حاجة تشل شوية بس هوا دا اللي هايتطلب منك

{.... توقيع Admin ....}

--------------------------------------------------------------------
avatar
{..Admin..}
ادارة المنتدى
ادارة المنتدى

البلد : مصر
عدد المساهمات : 6613
النقاط : 21616
تاريخ التسجيل : 30/03/2010

معاينة صفحة البيانات الشخصي للعضو


مُساهمةموضوع: رد: شرح كامل : مـنـحـة الـ iTi - برنامج تطوير مهارات خريجى الجامعات + كورس معهد بيرلتز للغات كامل الإثنين 30 أغسطس 2010 - 22:13





نصيحة من مجرب


- خليك هادي جدا وبااااااارد جدا جدا


- اياك والتوتر


- ابعد عن الفزلكة والرغى الكتير في المواضيع اللي مالهاش لازمة


- جاوب على قد السؤال واسكت لانك بتتكلم مع واحد محترف وبيعرف يعلى رتم الكلام ويوطيه زي ماهوا عايز



هاتستنى النتيجة لغاية ماتنزل في ميعاد هما بيحددوه وبيعلنوا عنه مسبقاً



ولو نجحت "لااااازم" هايبلغوك بخبر انك نجحت


عن طريق :


- الايميل
- الموبايل (باتصال او بماسيدج)
- الكشوفات اللي بتنزل فى الكلية




بعد مابتعرف انك نجحت ان شاء الله بتتأكد من مواعيدك كويس اوي من الـ admin. room في الدور الرابع في قاعات الامتحانات



مع ملاحظة الآتى :


1- غياب يومين اسمك هايتحذف من المنحة نهائى


2- تأخير 3 ايام بيوم غياب



وبكدا أكون خلصت موضوع المنحة



فيه بقى حاجة تالته كدا عايز اتكلم فيها برده للمعلومات العامة مش اكتر



أولا


المنحة دي معمولة خصيصاً عشان حاجة اسمها صناعة التعهيد outsourcing


يعني ايه تعهيد ؟


الكلمة دي في الـ orientaition قعدوا ساعتين يشرحوهالنا وماحدش فهم حاجة !!


لكن الموضوع بيتلخص في مثال بسيط اوي


1- شركة فودافون مجالها الاساسي اصلا خدمة الاتصالات والشبكات


2- وبما انها بتخدم ناس فايبقى لازملها خدمة عملا


3- وعشان نشاط الشركة الاساسى الاتصالات (مش خدمة العملا) فابتروح لشركة زي شركة exceed عشان تطلب منها انها تتعهد بانها تقوم هيا باستقبال طلبات العملا وخدمتهم بإسم فودافون


4- مقابل ان شركة فودافون تدى سهولة اتصال لشركة exceed او مقابل عمولة معينة على حسب الاتفاق بين الشركتين



وهوا دا بقى الغرض الاساسى من المنحة


انهم يطلعوا ناس تقدر تقوم بوظيفة خدمة العملا على أكمل وجه وباحترافية شديدة


ثانياً


البرنامج متقسم لحوالى 4 مراحل


المرحلة الأولى : الانجليش


المرحلة التانية : كمبيوتر


المرحلة التالته : مهارات الاتصال والتفاوض


المرحلة الرابعة : تنمية بشرية



ودراسة المنحة كلها بالانجليش طبعاً عشان كدا البرنامج بدأ بالانجليش كمرحلة اولي



زي ماقولنا في الاول ان القائم بتدريس اللغة الانجليزية في البرنامج دا معهد بيرلتز للغات



كتير مننا مايعرفش ايه هوا معهد بيرلتز دا اصلا


(وانا كنت واحد منهم )



- معهد بيرلتز دا هو معهد بيدرس لغات كتيرة
انجليش / فرينش / المانى .. الخ الخ



- بيملك حوالى 500 مركز في 70 دولة في جميع انحاء العالم


- يعتبر أغلى مركز في مصر بيدى كورسات انجليش
(1000 جنيه في الليفل الواحد)



- عدد المستويات 8 + 2 مستوى للتخصص
(يعني من الاخر اللي بيوصل لليفل 8 دا بيبقى خلاص بيتكلم زيه زي الامريكى)




في البرنامج بقى انتا بتخش ليفل معين


بيتحسب ازاي ؟؟


بيبقى على حسب الحل اللي انتا حليته في امتحان القبول والانترفيو



والطالب عموما في البرنامج دا ليه 3 ليفلات


يعني انتا اتحطيت ليفل 1 يبقى هاتدرس 1 ، 2 ،3


لو اتحطيت في ليفل 3 يبقى هاتدرس 3 ، 4 ، 5


لو اتحطيت في ليفل 5 يبقى هاتدرس 5 ، 6 ، 7


وهكذا ...



نيجي بقى لشوية ارقام واحصاءات



- من 2007 : 2009 كان القبول من الفرقة الرابعة فقط لا غير وكانوا لا يتعدوا الـ 400 طالب


- بدءا من السنة دي 2009 / 2010 قرروا انهم ينزلوا المنحة دي لطلبة الفرقة التالته


وكان عدد المرشحين لدخول الامتحان حوالى 3500 طالب من جامعة القاهرة


من كليات التجارة / الآداب / الآثار / سياسة واقتصاد
وتم قبول عدد 1120 طالب فقط !!



- عدد طلبة الفرقة الرابعة المسجلين بالمنحة السنة دي حوالى 600 طالب كالآتى :


> تجارة 430 طالب


> سياسة واقتصاد 53 طالب


> آثار 31 طالب


> آداب 66 طالب


- الشركات الراعية للمنحة هى :


> ECCO


> WASLA


> RAYA


> IBM


> TelePerformace


> HSBC Bank


> Vodafone


> Etisalat


> Mobinil



فيه ملحوظة مهمة جداً


المنحة دي غير مقتصرة على جامعة القاهرة فقط
لكن المنحة شغاله في 6 جامعات تانية غير جامعة القاهرة



>> جامعة حلوان <<
آداب - تربية - تجارة - سياحة وفنادق



>> جامعة عين شمس <<
آلسن - آداب - حقوق - تجارة "عربى" - تربية



>> جامعة الاسكندرية <<
تجارة - آداب - سياحة وفنادق



>> جامعة أسيوط <<
تجارة - تربية - آداب



بالاضافة لجامعة الزقازيق والمنصورة
(احسن ناس طبعا )




طبعاً بعد ما المنحة بتخلص جميع الجامعات بتشرفنا ان شاء الله في جامعة القاهرة لحضور حفلة التخرج تحت قبة جامعة القاهرة

(اللي اوباما قال فيها الخطاب الشهير)


والحضور بيبقى رسمى
بدلة للشباب - تايير او اي حاجة كلاسيك للبنات



و دا شكل الشهادة
(مش هاتلاقيها ع النت كله غير هنا)



أضغط هنا لتكبير الصورة , مقاس الصورة الأصلي 1134x692 وحجمها 194KB.




ملحوظة

اول حفلة تخرج حصلت كانت السنة دي وكانوا مجمعين دفعة 2007 و 2008 مع بعض


بحضور وزير التعليم العالى ووزير الاتصالات

بالاضافة لرئيس جامعة القاهرة وعين شمس

و نائب رئيس شركة "ساتيام" الهندية أشهر شركة بتقوم بصناعة التعهيد في العالم

وصور الحفلة نازلة على السايت بتاع المنحة للى عايز يشوفها
http://www.iti.gov.eg/eduegypt/edu_egypt.html
" كنت موجود انا في الحفلة دي بس قاعد في الدور التالت "



ودي بعض الماتيريال اللي هاتقابلكوا اثناء دراستكوا للكورس



كتيب التعريف بالمنحة

فيه بعض المعلومات العامة عن المنحة
اللي عايز يستلمه يروح الـ iTi admin. room
الدور الرابع بقاعات الامتحانات




نموذج البيانات

ودا النموذج اللي أول ماهاتبدأ المنحة هايوزعوه عليك عشان تملى فيه بياناتك كاملة عشان لو حصل اي مستجدات يقدروا يوصلولك

ولو فيه اي بيانات تم حديثها زي رقم الموبايل او العنوان او الايميل تروحلهم وتقولهم انا عايز اغير بياناتي



نموذج الحضور


دا كل مرة هايوزعوه عليك وتشوف اسمك وتعمل قدامه صح


وماتنساش


- يومين غياب تبقى بره الكورس


- تلات ايام تأخير بيوم غياب



نموذج تقييم الدورة

دا هايوزعوه عليك مرتين
وبياخدوا رأيك في البرنامج عموماً
مع ملاحظة ان دا اسمه استقصاء
يعني ماتكتبش اسمك عليه



وبكدا اكون خلصت التعريف بالبرنامج وبكل حاجة عنه

وأظن انا كاتب كل التفاصيل ومش سايب فتفوتة


المفاجاءة بقى

كورس الانجليش الخاص بمعهد بيرلتز

كـــامــــل


من ليفل 1 : ليفل 8


- الروابط ميديا فاير عشان تتبسطوا

- قسمت كل ليفل في فايل لوحده


عشان اللي عايز ينزل ليفل معين مايبقاش مجبر انه ينزل الكورس كله في فايل واحد



>> level 1 <<

>> level 2 <<

>> level 3 <<

>> level 4 <<

>> level 5 <<

>> level 6 <<

>> level 7 <<

>> level 8 <<

انا عارف ان الموضوع طويل
بس ماينفعش اني كنت اختصر فيه
عشان فيه ناس كتيرة بتبقى عايزه تعرف أدق التفاصيل عنه
وعموما ربنا يوفقنا جميعا إن شاء الله












google_protectAndRun("ads_core.google_render_ad", google_handleError, google_render_ad);

{.... توقيع Admin ....}

--------------------------------------------------------------------
نشيط
نشيط

ذكر
المهنة :
البرج : الدلو
الأبراج الصينية : النمر
عدد المساهمات : 59
النقاط : 2660
تاريخ التسجيل : 05/07/2010
العمر : 55

معاينة صفحة البيانات الشخصي للعضو


مُساهمةموضوع: رد: شرح كامل : مـنـحـة الـ iTi - برنامج تطوير مهارات خريجى الجامعات + كورس معهد بيرلتز للغات كامل الثلاثاء 31 أغسطس 2010 - 16:32





بارك الله فيك وجعله فى ميزان حساناتك ونرجو ان تدلنا على level 8

{.... توقيع ابراهيم محرم ....}
{..roma333..}
مبتدىء
مبتدىء

ذكر
المهنة :
البرج : الاسد
الأبراج الصينية : القط
عدد المساهمات : 18
النقاط : 2563
تاريخ التسجيل : 30/08/2010
العمر : 54

معاينة صفحة البيانات الشخصي للعضو


مُساهمةموضوع: رد: شرح كامل : مـنـحـة الـ iTi - برنامج تطوير مهارات خريجى الجامعات + كورس معهد بيرلتز للغات كامل الثلاثاء 31 أغسطس 2010 - 22:50





شكرا علي هذا المجهود

{.... توقيع roma333 ....}

شرح كامل : مـنـحـة الـ iTi - برنامج تطوير مهارات خريجى الجامعات + كورس معهد بيرلتز للغات كامل

استعرض الموضوع السابق استعرض الموضوع التالي الرجوع الى أعلى الصفحة
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
درس خصوصى :: البوابة العامة :: المراحل التعليمية :: اخبار الجامعات والمعاهد العليا-
Flag Counter

جميع الحقوق محفوظه لمنتدي درس خصوصى ©darsksosi.comتصميم وتطوير ابن الاسلام منتديات احلى ستايل alt=الرئيسيه | التسجيل |مراسلة الادارة |احصائيات | الاعلى